« លុយរបស់អ្នកកាន់តែកើន មិនមែនបានមកពីការភ្នាល់ល្បែង ឬ ត្រូវឆ្នោតនោះទេ តែវាកើតចេញពីគំនិតដ៏ច្នៃប្រឌិតរបស់អ្នក»។ នេះជាប្រសាសន៍របស់លោក Tony Robbins ជាវាគ្មិន និង អ្នកនិពន្ធសៀវភៅល្បីៗរបស់អាមេរិកមានដើមកំណើតមកពីរដ្ឋ California។
ក្នុងនាមជាសេដ្ឋីមួយរូបដែលមានទ្រព្យសម្បត្តិប្រមាណ ៤៨០ លានដុល្លារនៅពេលបច្ចុប្បន្ននេះ លោក Robbins បានបង្ហាញពីគន្លឹះមួយចំនួនដើម្បីក្លាយទៅជាអ្នកមានដែលគន្លឹះទាំងនេះមាននៅក្នុងទំព័រសៀវភៅថ្មីមួយក្បាលទៀតក្រោមចំណងជើងថា “Money: Master The Game” ដែលជាស្នាដៃនិពន្ធរបស់លោកផ្ទាល់។
១) សន្សំបន្ថែម ហើយវិនិយោគ (Save more and invest)ការវិនិយោគត្រូវបានលោក Tony Robbins លើកឡើងថា មិនមែនសុទ្ធតែធ្វើឲ្យអ្នកជោគជ័យក្លាយជាអ្នកមាននោះគ្រប់ពេលនោះឡើយ តែវាប្រាកដណាស់ថា នេះគឺជាយុទ្ធសាស្ត្រមួយដែលធ្វើឲ្យទ្រព្យសម្បត្តិរបស់អ្នកកើនឡើងគ្រាក់ៗ។ ប្រសិនបើអ្នករកឃើញគន្លឹះអាចសន្សំប្រាក់បានកាន់តែច្រើន និង យកលុយទាំងនោះទៅវិនិយោគប្រកបដោយភាពឆ្លាតវៃនោះ គោលដៅហិរញ្ញវត្ថុរបស់អ្នកនឹងកើនឡើងជាលំដាប់។ លោកបានបន្ថែមទៀតថា សម្រាប់អ្នកដែលមិនអាចរកប្រាក់បន្ថែមក្រៅពីប្រាក់ខែរបស់ខ្លួន នេះមិនមែនជាបញ្ហានោះឡើយឲ្យតែអ្នកមានគំនិតច្នៃប្រឌិតបន្តិច ពោលគឺការចាយវាយឲ្យចេះសន្សំសំចៃបន្តិច កាត់បន្ថយការចំណាយ និង សន្សំបន្ថែមឲ្យបានខ្ពស់ជាងមុន។
២) រកចំណូលបន្ថែម ហើយវិនិយោគ (Earn more and invest )វិធីសាស្ត្រមួយទៀតដើម្បីមានលុយកាន់តែច្រើន គឺរកប្រាក់ចំណូលបន្ថែម។ តាមការអះអាងរបស់អ្នកនិពន្ធ និង ជាវាគ្មិនដ៏ល្បីឈ្មោះរូបនេះបានយល់ឃើញថា មុននឹងសម្រេចចិត្តរកប្រាក់ចំណូលបន្ថែម អ្នកគួរតែសួរខ្លួនឯងថា តើជំនាញរបស់អ្នកត្រូវនឹងការងារអ្វី? ក្រុមហ៊ុនអ្វី? នៅកន្លែងណា? ការងារនោះអាចឲ្យអ្នកទទួលបានប្រាក់ចំណូលបន្ថែមដែរឬទេ? តើអ្នកមានពេលវេលាបន្ថែមដើម្បីធ្វើការងារក្រៅម៉ោងដែរឬទេ? បើអ្នកប្ដេជ្ញាក្នុងការស្វែងរកប្រាក់ចំណូលបន្ថែម អ្នកនឹងរកឃើញផ្លូវឆ្ពោះទៅជាបុគ្គលជោគជ័យផ្នែកហិរញ្ញវត្ថុនេះ។
មកដល់ចំណុចនេះ អ្នកនិពន្ធវ័យ ៥៤ ឆ្នាំរូបនេះបានផ្តល់ដំបូន្មានថា ការវិនិយោគក្តី ការទិញក្តី ឬ លក់ក្តី ត្រូវប្រាកដថា ទាំងនេះសុទ្ធតែផ្តល់ប្រាក់ចំណេញមកឲ្យអ្នកក្នុងរយៈពេលខ្លី ឬ រយៈពេលវែង។ អចលនទ្រព្យដូចជាដីធ្លី លំនៅឋាន ជាដើម ថ្វីត្បិតតែពេលខ្លះវាធ្លាក់ចុះ តែទីផ្សារអចលនទ្រព្យទាំងនេះមិនធ្លាក់ថ្លៃរហូតហួសតម្លៃដើមដែលអ្នកទិញនោះឡើយ ហើយពីមួយឆ្នាំទៅមួយឆ្នាំ វានឹងកើនឡើងជាលំដាប់។ នេះជាពេលវេលាមួយដែលអ្នកត្រូវដឹងថា តើត្រូវធ្វើដូចម្តេចដើម្បីឲ្យលុយ១ ដុល្លាររបស់អ្នកនៅក្នុងឆ្នាំនេះ អាចបង្កើតបាន ៥ ដុល្លារនៅក្នុងឆ្នាំក្រោយ ឬ ២ ឆ្នាំក្រោយ?
៤) ផ្លាស់ប្ដូរជីវិតរបស់អ្នកនៅទីនេះ លោក Robbins បានយល់ឃើញថា ចង់ក្លាយជាអ្នកមានកាន់តែឆាប់ អ្នកគួរតែមានការផ្លាស់ប្ដូរដ៏ធំមួយនៅក្នុងជីវិតរបស់អ្នក។ ទម្លាប់រស់នៅដែលមានការចំណាយខ្ពស់ដូចជា ទម្លាប់ចាយតាមទំនើងដៃ ឬ ចូលចិត្តសម្ភារៈនិយមជាដើម គួរតែកែប្រែឲ្យបានឆាប់ទៅ ព្រោះសកម្មភាពទាំងនេះមិនអាចជួយឲ្យអ្នកឆាប់មានបាននោះឡើយ។ ផ្ទុយទៅវិញ អ្វីដែលលោកចង់ផ្តល់ដំបូន្មាននោះគឺថា បង្កើតទម្លាប់រកលុយឲ្យបានច្រើន ហើយកាត់បន្ថយការចំណាយជាងមុនមួយកម្រិត ហិរញ្ញវត្ថុរបស់អ្នកនឹងផ្លាស់ប្ដូរ។ បើអ្នករកប្រាក់បានកាន់តែច្រើនទុកជាមុន វាមិនយឺតពេលនោះឡើយដើម្បីរស់នៅក្នុងជីវិតមួយបែបស៊ីវិល័យមានសម្ភារៈនិយមប្រើប្រាស់គ្រប់គ្រាន់នោះ៕
ប្រែសម្រួល៖ ខេវិន
ប្រភព៖ Businessinsider
0 comments:
Post a Comment