21:59
Unknown
គ្មានអ្នកណាម្នាក់ដែលមិនចង់ក្លាយជាអ្នកមាននោះទេ តែអាចក្លាយជាអ្នកមាន ឬ អ្នកក្រគឺអាស្រ័យលើខ្លួនអ្នកផ្ទាល់តែប៉ុណ្ណោះថា តើអ្នកបានស្វែងយល់ពីគន្លឹះរកប្រាក់ដោយរបៀបណា? នៅទីនេះ លោក Jeff Haden ជាសហគ្រិន និង ជាវាគ្មិនសហគ្រិនមួយរូបរបស់អាមេរិកបានណែនាំពីយុទ្ធសាស្ត្រមួយចំនួនដើម្បីឆ្ពោះទៅវិថីក្លាយជាអ្នកមាន។
លោក Jeff Haden បានលើកឡើងថា៖«បើអ្នកធ្វើការឲ្យគេ អ្នកមិនងាយនឹងក្លាយជាអ្នកមាននោះឡើយ ។ ទោះបីជាលោកអ្នកអាចទទួលបានអត្ថប្រយោជន៍ផ្សេងៗជាច្រើននៅក្នុងក្រុមហ៊ុនណាមួយ ដូចជា ដំឡើងប្រាក់ខែឲ្យកាន់តែច្រើន ប្រាក់រង្វាន់លើកទឹកចិត្ត (Bonus) ថ្លៃសេវាកម្មផ្សេងៗក៏ពិតមែន ទាំងនេះអ្នកទទួលបានដោយមានកំណត់មិនដូចអ្វីដែលអ្នកចង់បាននោះឡើយ»។
ធ្វើដូចម្តេចដើម្បីក្លាយទៅជាអ្នកមានបាន?
មិនខុសពីការលើកឡើងនៅក្នុងចំណុចទី១ លោក Haden បានបញ្ជាក់ជាថ្មីម្តងទៀតថា អ្នកនឹងមិនអាចសម្រេចក្តីប្រាថ្នាជាអ្នកមានដោយគ្រាន់តែធ្វើការឲ្យគេនោះឡើយ។ លោកបញ្ជាក់ថា នៅពេលដែលអ្នកធ្វើការឲ្យគេ សេរីភាព ការគ្រប់គ្រង ប្រាក់ខែ ឬ តម្រូវការផ្សេងៗទាំងនេះសុទ្ធតែត្រូវបានកំណត់ទាំងអស់។ បើប្រាក់ខែរបស់អ្នកមានកម្រិត តម្រូវការរបស់អ្នកក៏មានកម្រិតផងដែរ។
លោកបានបង្ហាញពីរបាយការណ៍ស្រាវជ្រាវមួយពីភាគរយរបស់ក្រុមអ្នកមានកំពូល ៤០០ នាក់នៅលើលោកដែលមានប្រាក់ចំណូលគិតជាមធ្យមចំនួន ២០២,៤ លានដុល្លារ។ លទ្ធផលបានបង្ហាញថា៖
-អ្នកមាន ៨,៦% បានមកពីប្រាក់ខែ
-អ្នកមាន ៦,៦% បានមកពីការដាក់ប្រាក់បញ្ញើនៅក្នុងធនាគារ
-អ្នកមាន ១៣% បានមកពីភាគលាភរកស៊ីនៅក្នុងក្រុមហ៊ុន
-អ្នកមាន ១៩,៩% បានមកពីដាក់ភាគហ៊ុននៅក្នុងក្រុមហ៊ុនសាជីវកម្មសហកម្មសិទ្ធិ
-អ្នកមាន ៤៥,៨% បានមកពីបោះទុនវិនិយោគ។
-អ្នកមាន ៦,៦% បានមកពីការដាក់ប្រាក់បញ្ញើនៅក្នុងធនាគារ
-អ្នកមាន ១៣% បានមកពីភាគលាភរកស៊ីនៅក្នុងក្រុមហ៊ុន
-អ្នកមាន ១៩,៩% បានមកពីដាក់ភាគហ៊ុននៅក្នុងក្រុមហ៊ុនសាជីវកម្មសហកម្មសិទ្ធិ
-អ្នកមាន ៤៥,៨% បានមកពីបោះទុនវិនិយោគ។
ផ្អែកលើទិន្នន័យនេះបញ្ជាក់ថា៖
-ធ្វើការឲ្យគេ ឬ ពឹងលើប្រាក់ខែ មិនងាយធ្វើឲ្យអ្នកក្លាយជាអ្នកបានឡើយ
-យកប្រាក់ទៅដាក់បញ្ញើក៏មិនងាយធ្វើឲ្យអ្នកក្លាយជាអ្នកមាន
-វិនិយោគទៅលើភាគហ៊ុនតែមួយនៅក្នុងក្រុមហ៊ុនធំណាមួយក៏មិនងាយធ្វើឲ្យអ្នកក្លាយជាអ្នកមាន
-បើកអាជីវកម្មផ្ទាល់ខ្លួនក៏មិនមែនសុទ្ធតែធ្វើឲ្យអ្នកក្លាយជាអ្នកមានភ្លាមៗ តែអាចនឹងធ្វើឲ្យអ្នកក្លាយជាអ្នកមាននៅពេលណាមួយ
-ប៉ុន្តែ ការបោះទុនវិនិយោគ ពិតជាធ្វើឲ្យអ្នកក្លាយជាអ្នកមាន ១០០%។
-យកប្រាក់ទៅដាក់បញ្ញើក៏មិនងាយធ្វើឲ្យអ្នកក្លាយជាអ្នកមាន
-វិនិយោគទៅលើភាគហ៊ុនតែមួយនៅក្នុងក្រុមហ៊ុនធំណាមួយក៏មិនងាយធ្វើឲ្យអ្នកក្លាយជាអ្នកមាន
-បើកអាជីវកម្មផ្ទាល់ខ្លួនក៏មិនមែនសុទ្ធតែធ្វើឲ្យអ្នកក្លាយជាអ្នកមានភ្លាមៗ តែអាចនឹងធ្វើឲ្យអ្នកក្លាយជាអ្នកមាននៅពេលណាមួយ
-ប៉ុន្តែ ការបោះទុនវិនិយោគ ពិតជាធ្វើឲ្យអ្នកក្លាយជាអ្នកមាន ១០០%។
បើយោងទៅតាមការអះអាងរបស់អ្នកជំនាញរូបនេះ គេសង្កេតឃើញថា មហាសេដ្ឋីកំពូលៗក្នុងលោកទាំង ១០ គឺសុទ្ធតែអ្នករកស៊ីមានប្រាក់រាប់ពាន់លានដុល្លារដោយសារតែការបោះទុនវិនិយោគនេះឯង។ មហាសេដ្ឋីទាំងនោះមានដូចជា លោក Bill Gates លោក Warren Buffett លោក Carlos Slim Helu លោក Larry Ellison ជាដើមសុទ្ធតែមានក្រុមហ៊ុនវិនិយោគធំៗ។
លោក Jeff Haden បានបន្ថែមដូច្នេះថា៖ «ការមានអាជីវកម្មផ្ទាល់ខ្លួនគឺជាជម្រើសដ៏ល្អប្រសើរ។ នៅពេលដែលយើងមានអាជីវកម្មផ្ទាល់ខ្លួន យើងចាប់ផ្តើមមានទំនួលខុសត្រូវប្រឈមមុខទៅនឹងបញ្ហានានា បង្កើតបេសកកម្ម និង គោលដៅឲ្យខ្លួនឯង ជាពិសេសទៀតនោះគឺការទទួលបានបទពិសោធន៍ដ៏សំបូរបែបពីក្រុមការងារ បុគ្គលិក ឬ មនុស្សថ្មីៗដែលយើងមិនធ្លាប់ស្គាល់»។
លោកពន្យល់ថា នៅពេលអ្នកក្លាយទៅជាសហគ្រិន អ្នកនឹងមានសេរីភាពច្រើនណាស់រាប់ទាំងពីការសម្រេចចិត្ត និង បង្កើតជម្រើសនានាឲ្យខ្លួនឯង ការដើរហើរ និង មានអារម្មណ៍ឯករាជ្យ មិនដូចធ្វើការឲ្យគេនោះឡើយ។ នេះហើយជាវិថីផ្លូវឆ្ពោះក្លាយទៅជាបុគ្គលមានសេរីភាពហិរញ្ញវត្ថុ។ ការបើករបរផ្ទាល់ខ្លួនគឺពិតជាអស្ចារ្យណាស់។
បើដូច្នេះមែន អ្នកត្រូវតែលាឈប់ពីការងារភ្លាមៗទៅបើកអាជីវកម្មមែនទេ?
ចំពោះសំនួរមួយនេះ លោក Jeff Haden បានផ្តល់ដំបូន្មានថា អ្នកមិនចាំបាច់លាឈប់ពីការងារភ្លាមៗទៅបើករបររកស៊ីដោយខ្លួនឯងនោះឡើយ។ គន្លឹះដ៏ល្អ គឺអ្នកត្រូវកំណត់ពេលវេលាឲ្យបានត្រឹមត្រូវពីការងារពេញម៉ោង និង ការងារក្រៅម៉ោងសម្រាប់កសាងគ្រឹះអាជីវកម្មរបស់អ្នក ត្បិតអីគ្រឹះកសាងអាជីវកម្មមិនចាំបាច់ឲ្យអ្នកចំណាយពេលរាប់ថ្ងៃ ឬ រាប់ឆ្នាំនោះឡើយ។ អ្នកគ្រាន់តែចំណាយពេល ៤ ទៅ ៥ ម៉ោងក៏ទទួលបានគ្រឹះអាជីវកម្មបានដែរ ព្រោះការធ្វើអាជីវកម្មអាចធ្វើបានគ្រប់ពេលមិនថា ពេលថ្ងៃ ឬ ពេលយប់នោះឡើយ។
យ៉ាងណាមិញលោកបានផ្តល់ដំបូន្មានចុងក្រោយថា៖« ចង់ធ្វើជាសហគ្រិនយកល្អ ចាប់ផ្តើមពីចំណុចតូចទៅមុន ទើបវាមិនសូវមានហានិភ័យច្រើន ហើយបន្តិចម្តងៗ វាអាចធ្វើឲ្យយើងដើរកាន់តែជិតគោលដៅរបស់យើងផងដែរ។ តែកុំភ្លេចធ្វើវាឲ្យបានល្អ និង ត្រូវគោលដៅបើមិនដូច្នេះទេ យើងនឹងទទួលបានលទ្ធផលមិនដូចតាមការគ្រោងទុក»៕
ប្រែសម្រួល៖ ខេវិន
ប្រភព៖ Inc
Posted in: Business news
0 comments:
Post a Comment