18:55
Unknown
តាមធម្មតាតម្លៃនៅលើសម្ភារៈប្រើប្រាស់ គឺអាចបញ្ជាក់បានអំពីគុណភាព សមត្ថភាពនៅលើរបស់របរទាំងនោះ ហើយអតិថិជនដែលស្ថិតក្នុងក្រុមអ្នកមានទ្រព្យសម្បត្តិស្ដុកស្ដម្ភ គឺនឹងសម្លឹងឃើញតែរបស់ម៉ាកថ្លៃៗប៉ុណ្ណោះ។ ជាក់ស្ដែងកុំព្យូទ័រចំនួន ៧ម៉ូដែលខាងក្រោមនេះ ល្មមអាចធ្វើឲ្យលោកអ្នកញាក់សាច់ជាមួយតម្លៃខ្ពស់កប់ពពកមិនខាន។
៧) Alienware Area (តម្លៃ ៥០០០ដុល្លារ)
កុំព្យូទ័រឡេបថប់ (Laptop) ដែលមានតម្លៃថ្លៃចំណាត់ថ្នាក់ចុងក្រោយគេនេះ គឺបានលើ Alienware Area 51។ ការឌីហ្សាញនៅលើ Laptop តម្លៃ ៥០០០ដុល្លារនេះ គឺមានលក្ខណៈរលោងទំនើប។ កុំព្យូទ័រយួរដៃរបស់ក្រុមហ៊ុន Alienware ដែលជាផ្នែកមួយរបស់ក្រុមហ៊ុន Dell នេះត្រូវបានបំពាក់អង្គប្រតិបត្តិ Intel core-2 processor, RAM មានសមត្ថភាពខ្ពស់ និងភ្ជាប់មកនូវ keyboard ផ្ដល់អារម្មណ៍ផាសុកភាពដល់អ្នកប្រើ។
៦) Eny H: 171 (តម្លៃ ៨៥០០ដុល្លារ)
ម៉ូដែលឡេបថប់នេះ ត្រូវបានដាក់លក់លើទីផ្សារក្នុងតម្លៃ ៨៥០០ដុល្លារអាមេរិក។ កុំព្យូទ័រយួរដៃដែលមានតម្លៃថ្លៃបំផុតលើលោកក្នុងចំណោមទាំង ៧ម៉ូដែលនេះ បានភ្ជាប់មកជាមួយអង្គប្រតិបត្តិ Core 2 extreme X6800 processor របស់ក្រុមហ៊ុន Intel និងមានក្រាហ្វិកកាត Nvidia GeForce Go 7950 ចំណែក Hard Disk មានទំហំ 500GB។ Eny H: 171 ត្រូវបានប្រកាសលក់ដោយក្រុមហ៊ុន Voodoo កាលពីឆ្នាំ២០០៧។
៥) Ego for Bentley (តម្លៃ ២០ ០០០ដុល្លារ)
Ego គឺជាម៉ាកផលិតផលដ៏ល្បីលំដាប់កំពូលមួយនៅលើទីផ្សារ។ Laptop របស់ក្រុមហ៊ុន Ego ត្រូវបានឌីហ្សាញមានរូបរាងស្អាតទាន់សម័យ ជាមួយទម្ងន់ប្រហែល ២,៦គីឡូក្រាម។ កុំព្យូទ័រយួរដៃថ្លៃបំផុតលើពិភពលោកមួយក្នុងចំណោមឡេបថប់ថ្លៃទាំង៧ នេះមាន Hard Disk ទំហំ 160GB អេក្រង់ ១២,១អ៊ីញ wide screen។
៤) MacBook Pro-24 Karat (តម្លៃ ៣០ ០០០ដុល្លារ)
មានលក់នៅលើទីផ្សារក្នុងតម្លៃថ្លៃរហូតដល់ ៣ម៉ឺនដុល្លារអាមេរិកនេះ គឺដោយសារ MacBook Pro នេះត្រូវបានកែច្នៃបន្ថែមរបស់មានតម្លៃនៅលើនោះ។ ជាក់ស្ដែងឡេបថប់ (Laptop) នេះត្រូវបានឌីហ្សាញដោយស្រោបជាមួយមាស ២៤ការ៉ាត់ និងមានរូបឡូហ្គោ (logo) ដាំពេជ្រយ៉ាងប្រណិតផងដែរ។ មនុស្សមិនតិចទេ ដែលបេតីនឹង MacBook Pro កែច្នៃនេះណាស់។ លក្ខណៈសម្បត្តិរបស់កុំព្យូទ័រតម្លៃថ្លៃកប់ពពកនេះ គឺបំពាក់អង្គប្រតិបត្តិ Intel Core 2 Duo processor, RAM 4GB កម្រិត 667MHz DDR2 memory។
៣) Tulip E-go Diamonds (តម្លៃ ៣៥៥ ០០០ដុល្លារ)
ជាឡេបថប់ទាំងស្អាត និងថ្លៃបំផុតលើលោកមួយក្នុងចំណោម ឡេបថប់តម្លៃថ្លៃៗផ្សេងទៀត។ ចំពោះលក្ខណៈសម្បត្តិនៅលើ Tulip Ego Notebook គឺអាចរក្សាទុកទិន្នន័យជាមួយ Hard Disk ទំហំចាប់ពី 100GB ទៅ 160GB និងមានទម្ងន់ ២,៥គីឡូក្រាម។ ហេតុផលដែលកុំព្យូទ័រយូរដៃនេះមានតម្លៃខ្ពស់បែបនេះ គឺដោយសារត្រូវបានគេរចនា ស្រោបជាមួយស្បែកសត្វដ៏កម្រ និងមានបំពាក់គ្រាប់ពេជ្រជាច្រើនគ្រាប់។
២) MacBook Air Supreme (តម្លៃ ៥០០០០០ដុល្លារ)
MacBook Air Supreme គឺជាឡេបថប់ (Laptop) ដែលមានតម្លៃថ្លៃលំដាប់លេខ២ លើពិភពលោក ដែលមានតម្លៃសម្បត្តិគឺត្រូវបានផលិតឡើងជាមួយប្លាទីន។ កុំព្យូទ័រនេះ មានទម្ងន់ធ្ងន់រហូតដល់ ៧គីឡូក្រាម។
១) Luvaglio (តម្លៃ ១ ០០០ ០០០ដុល្លារ)
គឺជាឡេបថប់ជាចំណាត់ថ្នាក់ថ្លៃបំផុតលើពិភពលោកដែលមានតម្លៃ ១លានដុល្លារអាមេរិក។ Luvaglio មានអេក្រង់ទំហំ ១៧អ៊ីញ Wide Screen LED ប្រើអង្គផ្ទុកទិន្នន័យប្រភេទ SSD ទំហំ 128GB កន្លែងចាក់ឌីស (CD/DVD-ROM) ប្រភេទ Blue-Ray Drive៕
សូមបញ្ជាក់ថា តម្លៃឡេបថប់ទាំងឡាយខាងលើនេះ គឺជាតម្លៃក្រៅស្រុកប៉ុណ្ណោះ មិនមែនតម្លៃសម្រាប់ទីផ្សារប្រទេសកម្ពុជាឡើយ៕
ប្រែសម្រួល៖ លី ឈៀន
ប្រភព៖ abcnewspoint, gizmag, ./thebnews
Posted in: Business news
0 comments:
Post a Comment