21:47
Unknown
កាលពីពេលថ្មីៗកន្លងទៅនេះ ក្រុមហ៊ុន Dell បានបញ្ចេញលក់នូវកុំព្យូទ័រដ៏អស្ចារ្យរបស់ខ្លួនមួយម៉ូឌែលមានឈ្មោះថា 2015 Dell XPS 13 ដែលជាប្រភេទកុំព្យូទ័រអាចប្រកួតប្រជែងជាមួយកុំព្យូទ័រ MacBook Air របស់ Apple នៅលើទីផ្សារបាន ហើយនៅថ្ងៃនេះដែរ iFixit បានសម្រេចចិត្តធ្វើការដោះរុះរើមើលផ្នែកខាងក្នុងនៃកុំព្យូទ័រនេះ ថាតើវាអស្ចារ្យប៉ុណ្ណាដែរ ដែលហ៊ានថា អាចប្រកួតប្រជែងជាមួយ Apple។
Dell XPS 13 ជាLaptopជំនាន់ក្រោយរបស់ Dell ដែលមានអេក្រង់ប្រភេទ QHD Display ទំហំ 13.3 អ៊ីញ ផ្តល់នូវកម្រិតភាពច្បាស់ដល់ទៅ 3200 x 1800 pixels ឯណោះ។ វាមានភ្ជាប់មកជាមួយ RAM ទំហំ 8GB និងមានទំហំផ្ទុកទិន្នន័យជាប់ម៉ាស៊ីនចំណុះ 128GB ជាប្រភេទ SSD ទៀតផង ហើយអង្គដំណើរការវិញ ដើរជាមួយបន្ទះឈីបជំនាន់ចុងក្រោយរបស់ Intel។
នៅក្នុងការដោះរុះរើរបស់ iFixit នេះដែរ ជាធម្មតា iFixit បានចាត់ជាចំណាត់ថ្នាក់ពីលេខ 1 ដល់លេខ 10 ហើយលេខ 1 មានន័យថា ជាប្រភេទកុំព្យូទ័រ ដែលមានការពិបាកជួសជុល ហើយលេខចុងក្រោយគេគឺលេខ 10 មានន័យថា ងាយស្រួលបំផុត។
ចំពោះប្រតិបត្តិការរុះរើនៅលើកុំព្យូទ័រ 2015 Del XPS ខាងលើនេះ ត្រូវបាន iFixit ដាក់ពិន្ទុអោយជាប់ចំណាត់ថ្នាក់លេខ 7 ដែលមានន័យថា វាមានសភាពងាយស្រួលជួសជុលដែរ គ្រាន់តែមានការប្រុងប្រយ័ត្នបន្តិច ពេលរុះរើ។
ប្រភពៈ iFixit
ដោយៈ Vannoch
9:25am 12 កុម្ភៈ
Tag: កុំព្យូទ័រ
Posted in: computer-techniques
0 comments:
Post a Comment