06:25
Unknown
ក្រុមរដ្ឋឥស្លាមនិយម ISIS បានបង្ហោះវីដេអូមួយកាលពីថ្ងៃសៅរ៍ម្សិលមិញបង្ហាញថា ពួកគេបានកាត់ក្បាលចំណាប់ខ្មាំងជនជាតិជប៉ុនទីពីរនោះហើយ ដែលធ្វើឱ្យរដ្ឋាភិបាលក្រុងតូក្យូមានកំហឹងយ៉ាងខ្លាំង ខណៈរដ្ឋាភិបាលក្រុងវ៉ាស៊ីនតោនបានថ្កោលទោសការសម្លាប់នេះផងដែរ។
ក្នុងវីដេអូនោះ លោក Kenji Goto ជាអ្នកកាសែតជនជាតិជប៉ុនត្រូវគេឃើញលុតជង្គង់ក្បែរបុរសពាក់ម៉ាស់មុខសមាជិកក្រុម ISIS ដែលនិយាយភាសាអង់គ្លេស និងបុរសនោះបានបន្ទោសរដ្ឋាភិបាលក្រុងតូក្យូថាបានបណ្ដោយឱ្យចំណាត់ខ្មាំងទីពីរនេះស្លាប់។
តាមវីដេអូដដែលនោះ គេបានមើលឃើញផងដែរថា ជនពាក់មុខនោះគឺទំនងជាជនដែលបង្ហាញខ្លួននៅក្នុងវីដេអូកាត់ក្បាលចំណាប់ខ្មាំងមុនៗដែរ ខណៈលោក Goto ពាក់អាវពណ៌ទឹកក្រូចដូចជនរងគ្រោះមុនៗ។
ជនដែលបានកាត់ក្បាលជនជាតិជប៉ុននោះ បានឈរដោយមានភ្នំធ្វើជា background ហើយបានថ្លែងថា ការសម្លាប់ Goto នឹងបង្ហាញពីការចាប់ផ្ដើមសុបិនអាក្រក់សម្រាប់ប្រទេសជប៉ុន ហើយលទ្ធផលនេះគឺកើតឡើងដោយសារតែការសម្រេចចិត្តដ៏ធ្វេសប្រហែសរបស់រដ្ឋាភិបាលជប៉ុន។
ដោយឡែក រដ្ឋាភិបាលក្រុងតូក្យូបានសម្ដែងកំហែង ហើយលោក Abe បានសន្យាថា នឹងមិនលើកលែងដល់ក្រុមភេរវជននោះឡើយ ខណៈព័ត៌មាននៃការកាត់ក្បាលជនជាតិជប៉ុនទីពីរនេះត្រូវបានផ្សព្វផ្សាយនៅប្រទេសជប៉ុនព្រឹកថ្ងៃអាទិត្យនេះ។
សូមបញ្ជាក់ថា ក្រុមរដ្ឋឥស្លាម (ISIS) បានបង្ហោះវីដេអូគំរាមសម្លាប់ចំណាប់ខ្មាំងជនជាតិជប៉ុនម្នាក់ និង អ្នកបើកបរយន្តហោះជនជាតិហ្សកដានី ក្នុងរយៈពេល២៤ម៉ោងក្រោយ ប្រសិនបើ មិនដោះលែង អ្នកទោសស្រីដែលឃុំនៅប្រទេសក្នុង ហ្សកដានីតាំងពីថ្ងៃអង្គារដើមសប្ដាហ៍នេះ។ ក្រុមកងកម្លាំងរដ្ឋឥស្លាម (ISIS) ថែមទាំងបានបង្ហោះវីដេអូ គំរាមកាត់ក្បាល លោក បារ៉ាក អូបាម៉ា (Barack Obama) ក្នុងសេតវិមានទៀតផង៕
ដោយ៖ ឬទ្ធិ
Posted in: Khmer news
0 comments:
Post a Comment