សកម្មភាព ទាំង ៧ យ៉ាងនេះ អាចជួយឲ្យអ្នក មានសុភមង្គល ​ក្នុងជីវិត បានយ៉ាង មានប្រសិទ្ធភាព!

ពិតណាស់ ជីវិត របស់មនុស្សម្នាក់ៗ តែងតែ មានភាព សើចសប្បាយរីករាយ និង កើតទុក្ខ ដែលគ្មាន នរណាម្នាក់ អាចជៀសវាងបានឡើយ ដែលអ្នកខ្លះ មានបញ្ហាមួយចំនួន ដោះស្រាយមិនចេញ រីឯ មនុស្សមួយចំនួនទៀត នៅសុខៗ ស្រាប់តែ មានអារម្មណ៍ សប្បាយចិត្តតែម្តង។ យ៉ាងណាមិញ ប្រិយមិត្ត មិនចាំបាច់ បារម្ភទេ ព្រោះ សកម្មភាព ទាំង ៧ យ៉ាង ខាងក្រោមនេះ នឹងអាចជួយ ឲ្យអ្នក សប្បាយរីករាយ ក្នុងជីវិត បានមួយកម្រិតទៀត ៖

១. ផ្តោតលើគោលដៅ ៖ ដើម្បីទទួលបាន ជីវិតដ៏រីករាយ អ្នកគួរតែ ដើរតាម គោលដៅរបស់អ្នក ព្រោះថា នៅពេលដែលអ្នក ធ្វើតាមគោលដៅ នោះ មានន័យថា អ្នកបានកំនត់ នូវអ្វី ដែលខ្លួនចង់ធ្វើ  និង បំពេញតម្រូវការខ្លួន ពីមួយថ្ងៃទៅមួយថ្ងៃ ផងដែរ។ មួយវិញទៀត ការកំនត់គោលដៅ ច្បាស់លាស់ គឺអាចធ្វើឲ្យអ្នក មានភាពច្បាស់លាស់ ក្នុងជីវិត ដែលជាកត្តា មិនធ្វើឲ្យអ្នក អស់សង្ឃឹម និង មិនសប្បាយចិត្ត ទៀតឡើយ។

២. ត្រូវដឹងថាធ្វើការងារ ដើម្បីអ្វី ៖ ពិតណាស់ ការងារ គឺជាផ្នែកមួយសំខាន់ សំរាប់មនុស្សម្នាក់ៗ ព្រោះថាយើងគ្រប់គ្នា បានចំនាយពេល ពី ៨ ទៅ ១០ ម៉ោង ក្នុងមួយថ្ងៃ នៅជាមួយវា។ ដូច្នេះ អ្នកត្រូវដឹងថា អ្នកធ្វើការងារនេះ ដោយសារតែអ្នកស្រលាញ់ ចូលចិត្ត ឫ ក៏ដើម្បីលុយ។ ហេតុនេះហើយ ដើម្បីធ្វើឲ្យខ្លួនឯង មានភាពសប្បាយរីករាយ គឺត្រូវស្រលាញ់អ្វី ដែលអ្នកធ្វើ បើមិនដូច្នេះទេ ការងារនោះ គឺដូចជា ធ្វើទារុណកម្ម អ្នករាល់ថ្ងៃ អីចឹងដែរ។

៣. ចំនាយពេល នៅជាមួយ មនុស្សដែលអ្នកស្រលាញ់ ៖ អ្នកចិត្តវិទ្យា បានឲ្យដឹងថា ការចំនាយពេល នៅជាមួយ មនុស្ស ដែលអ្នកស្រលាញ់នឹងធ្វើឲ្យ អ្នកសប្បាយចិត្ត មួយកម្រិតទៀត។ មួយវិញទៀត ប្រសិនបើអ្នក មានទំនាក់ទំនងល្អ ជាមួយមនុស្ស ក្នុងសង្គម គឺកាន់តែធ្វើឲ្យ ជីវិតរបស់អ្នក មានភាពស្រស់បំព្រង។

៤. រស់នៅក្នុង ជីវិតអាពាហ៍ពិពាហ៍ ៖ យោងតាមរបាយការណ៍ បានឲ្យដឹងថា ការរស់នៅ ក្នុងជីវិតអាពាហ៍ពិពាហ៍ គឺធ្វើឲ្យមនុស្ស មានអារម្មណ៍ សប្បាយរីករាយ និង ពេញចិត្ត នូវជីវិតរបស់ខ្លួន ជាសជាង អ្នកដែលនៅលីវ។

៥. ទទួលបន្លែផ្លែឈើ ស្រស់ៗ ៖ ការទទួលទាន បន្លែផ្លែឈើស្រស់ៗ ក៏អាចធ្វើឲ្យមនុស្ស មានភាព សប្បាយរីករាយផងដែរ។ ក្នុងនោះដែរ មនុស្សវ័យក្មេង ដែលទទួលទាន បន្លែផ្លែឈើស្រស់ គឺទទួលបាន សុភមង្គល ជាងអ្នកដែល ទទួលទាន អាហារ ដែលគ្មានជីវជាតិ។

៦. ធ្វើលំហាត់ប្រាណ៖ អ្នកចិត្តវិទ្យា បានឲ្យដឹងថា ការធ្វើលំហាត់ប្រាណ នឹងធ្វើឲ្យមនុស្ស សប្បាយរីករាយ និង ពេញចិត្តនឹងជីវិត របស់គេ ជាសជាង អ្នកដែលមិន ធ្វើលំហាត់ប្រាណ សំរាប់គ្រប់វ័យទាំងអស់។ ដូច្នេះ ទោះបីជារវល់ នឹងការងារ រកស៊ីយ៉ាងណាក៏ដោយ ក៏លោកអ្នកត្រូវ ឆ្លៀតពេល ហាត់ប្រាណ យ៉ាងហ៊ោចណាស់ ឲ្យបាន ពី ១៥ ទៅ ៣០ នាទីដែរ ក្នុងមួយថ្ងៃ ដើម្បីទទួលបាន សុខភាពទាំងផ្លូវកាយ និងផ្លូវចិត្ត។

៧. ធ្វើការលំហែកាយ ៖ ពិតណាស់ ទោះបីជាលោកអ្នក មម៊ាញឹក យ៉ាងណាក៏ដោយ គឺត្រូវមាន ពេលលំហែកាយ សំរាប់ខ្លួនឯងខ្លះ ដូចជាធ្វើដំនើរកំសាន្ត, ចូលរួម ក្នុងកម្មវិធី Concert និង ព្រឹត្តិការណ៍ ផ្សេងៗទៀត ព្រោះថា បទពិសោធន៍ទាំងនេះ នឹងធ្វើឲ្យ លោកអ្នក យល់ថា ជីវិតគឺមានន័យ និង ត្រូវរស់ដោយ ភាពសប្បាយរីករាយ។

ទាំងនេះ គឺជាសកម្មភាពទាំង ៧ យ៉ាងជួយ ឲ្យអ្នកមាន សុភមង្គល ក្នុងជីវិតកាន់តែខ្លាំង។ តើប្រិយមិត្ត ធ្លាប់បាន អនុវត្តសកម្មភាព ទាំងនេះ ពីមុនដែរឫទេ?

ប្រភព ៖ Businessinsider

ដោយ ៖ ណា

ខ្មែរឡូត

Posted in: ជីវិតរស់នៅ និងសុខភាព