តែមួយភ្លែតនឹងដឹងថា កម្មវិធីកម្ចាត់មេរោគ (Anti-Virus) នៅលើកុំព្យូទ័ររបស់អ្នកចាប់ Virus បានឬមិនបាន ~ Here ! Computer Technique for you

មេរោគកុំព្យូទ័រ (virus) បើមិនប្រយ័ត្នទេ នោះនឹងបង្កហានិភ័យយ៉ាងធ្ងន់ធ្ងរដល់លោកអ្នកបាន។ចំពោះអ្នកប្រើប្រាស់ធម្មតា ដែលការងារមិនសូវជាពឹងផ្អែកលើកុំព្យូទ័រ នោះមិនចោទជាបញ្ហាទេ ដោយឡែក លោកអ្នកដែលចាត់ទុកកុំព្យូទ័រជាកំណប់ទ្រព្យ ជាប្រភពផ្ទុកឯកសារសំខាន់ៗមិនអាចបាត់បង់បានវិញ គឺប្រាកដជាមានការព្រួយបារម្ភ និងរកដំណោះស្រាយសុវត្ថិភាពដើម្បីការពារពីមេរោគកុំព្យូទ័រមិនខាន។ វិធីសាស្ត្រដ៏សាមញ្ញ និងងាយស្រួលជាងគេគឺ ដំឡើង Anti-Virus។ យ៉ាងណា កម្មវិធីកម្ចាត់មេរោគមួយចំនួន ទោះបីបានដំឡើងហើយក៏ដោយ ប៉ុន្តែពុំមានប្រសិទ្ធភាពអាចចាប់មេរោគ (Scan virus) បាននោះទេ ដូចគេថា បានតែល្អមើល មិនល្អស៊ី។

តើដើម្បីធ្វើតេស្ត ចង់ដឹងថា Anti-Virus របស់អ្នក ដំណើរការនូវមុខងារស្កេនមេរោគឬអត់ ត្រូវធ្វើដូចម្ដេច? មិនពិបាកទេ សូមមកអនុវត្តតាមជំហានខាងក្រោម៖

១) បើកកម្មវិធី Notepad ដែលមាននៅលើកុំព្យូទ័រ (Windows) ស្រាប់ ដោយចូលទៅ Start ហើយវាយឈ្មោះកម្មវិធី Notepad រួចចុច Enter។

២) កម្មវិធី Notepad នឹងបើកឡើង ត្រង់នេះ សូមសរសេរ ឬចម្លង (copy) ឃ្លាខាងក្រោមទៅ past ក្នុង Notepad៖

X5O!P%@AP[4\PZX54(P^)7CC)7}$EICAR-STANDARD-ANTIVIRUS-TEST-FILE!$H+H*

៣) បន្ទាប់មករក្សាទុក (save) ដោយកំណត់ប្រភេទឯកសារ (extension) ជា “*.exe” (ឧទាហរណ៍៖ Virus.exe) ជាការស្រេច។ (កំណត់សម្គាល់៖ ប្រសិន Anti-Virus មានប្រសិទ្ធភាព វានឹងចាប់យក file ដែលទើបបង្កើតនេះ ផ្ទុយទៅវិញប្រសិនពុំមានអ្វីកើតឡើង នោះមានន័យថា Antivirus របស់អ្នកគ្មានប្រសិទ្ធភាពឡើយ)៕ ប្រសិនប្រិយមិត្តមានចំណេះដឹងពាក់ព័ន្ធនឹងគន្លឹះដូចនេះដែរ សូមចូលរួមបញ្ចេញមតិ យោបល់នៅក្នុងប្រអប់ commend ខាងក្រោមទាំងអស់គ្នា។

ដោយ៖ លី ឈៀន

ប្រភព៖ techyleakz, antivirus.about/thebnews