08:25
Unknown
ក្រុមស្រាវជ្រាវមកពីសាកលវិទ្យាល័យ Surrey របស់ចក្រភពអង់គ្លេសបានសម្រេចការស្រាវជ្រាវរបស់ខ្លួនលើបច្ចេកវិទ្យា 5G ដែលមិនធ្លាប់មានពីមុនមក ដែលអាចដោនឡូតក្នុងល្បឿនបានរហូតដល់ 1Tbps (១តេកាបីដក្នុង១វិនាទី) ឬប្រហែល 1000Gbps។
ការរកឃើញនេះ គឺធ្វើឡើងនៅឯមជ្ឈមណ្ឌល 5G Innovation Centre (5GIC) របស់សាកលវិទ្យាល័យ Surrey ដោយមានដៃគូក្រុមហ៊ុនជាច្រើនរូមមាន Huawei, Fujitsu, EE, Aircom, BT, Samsung, Telefonica, Vodafone, Aeroflex,Rohde & Schwarz និងសារព័ត៌មាន BBC។
“យើងបានចាប់ផ្ដើមដំណើរការផលិតបច្ចេកវិទ្យា Wireless ជាង១០ តែមានមួយក្នុងចំណោមនោះគឺអាចទាញយកទិន្នន័យបានរហូតដល់ 1Tbps ដោយមិនបាច់ប្រើខ្សែ។ មានន័យថាវាមានសមត្ថភាពដូចទៅនឹងខ្សែ fibre optics ដែរតែគ្រាន់តែវាមិនប្រើខ្សែ”។ នេះបើតាមការឲ្យដឹងពីសាស្រ្តាចារ្យ Rahim Tafazolli នាយកនៅ 5GIC បានប្រាប់ទៅកាន់ភ្នាក់ងាររបស់គេហទំព័រ V3។
ការិយាល័យទំនាក់ទំនង Ofcom របស់អាមេរិក បានឲដឹងថា 5G គឺនឹងអាចប្រើបាននៅឆ្នាំ ២០២០ ក្នុងប្រទេសអង់គ្លេសហើយខ្លួនជឿថា 5G mobile អាចចែកចាយល្បឿនចន្លោះពី 10-50Gbps ខុសពី 4G ដែលប្រើនាពេលបច្ចុប្បន្នផ្ដល់ល្បឿនដោនឡូតត្រឹមតែ 15Mbps តែប៉ុណ្ណោះ។បើទោះ បីជាយ៉ាងណាក៏ដោយ 5GIC បានបញ្ជាក់យ៉ាងច្បាស់ថាល្បឿនដ៏លឿនរបស់ 5G នេះគឺមិនមែនកត្តាសំខាន់ក្នុងការស្រាវជ្រាវរបស់ខ្លួននោះទេប៉ុន្តែរឿងដែលសំខាន់នោះគឺថាតើត្រូវបង្កើតរចនាសម្ព័ន្ធបែបណាដើម្បីឲស្របតាមតម្រូវការរបស់អ្នកប្រើប្រាស់។
នៅក្នុងក្រុមហ៊ុន Telecom មួយចំនួន 5G គឺត្រូវគេស្គាល់ថាជា LTE-Advanced ហើយប្រទេសមួយចំនួននៅជុំវិញពិភពលោកគឺកំពុងតែប្រើប្រាស់បច្ចេកវិទ្យា 5G នេះជាលក្ខណៈសាកល្បងជាពិសេសគឺប្រទេសដែលកំពុងតែចង់បានល្បឿនអ៊ីនធើណិតលឿនដូចជាកូរ៉េខាងត្បូងជាដើម៕
Posted in: Business news
0 comments:
Post a Comment