00:19
Unknown
កុំព្យូទ័រ HP អេក្រង់ 14" ប្រភេទថាច់លើអេក្រង់ មានកំរាស់ស្តើង និងរ៉េម 4GB ចេញលក់ស្ងាត់ៗក្នុងតំលៃ 439.99$
23/12/2014
កុំព្យូទ័ររបស់ HP ស៊េរី Chromebook ទំហំ 14 អ៊ីញថ្មីមូយគ្រឿងទំនងជាចេញមកតាំងពីយូរមកហើយ ប៉ុន្តែគ្មានអ្នកណាដឹងទេដោយសារតែវាត្រូវបានក្រុមហ៊ុន HP បញ្ចេញវាលក់យ៉ាងស្ងាត់ៗដោយមិនដឹងមូលហេតុ។ កុំព្យូទ័រម៉ូឌែល HP Chromebook 14" គឺជាកុំព្យូទ័រដ៏ទំនើបមួយដែលគេអាចថាច់លើអេក្រង់ដើម្បីជំនួសឲ្យការប្រើ Mouse ឬ ប៊ុយតុងចុចបញ្ជាបាន ហើយវាក៏មានកំរាស់ស្តើង និងទំងន់ស្រាលផងដែរធ្វើឲ្យយើងងាយស្រួលដាក់តាមខ្លួនដើម្បីប្រើប្រាស់។
លក្ខណៈ់សម្បត្តិខាងក្នុងរបស់ HP Chromebook 14" គឺត្រូវបានបំពាក់ទៅដោយបន្ទះល្បឿនដំណើរការ NVIDIA Tegra K1 និងមាន RAM ទំហំ 4GB ។ ជាមួយទំហំអេក្រង់ 14 អ៊ីញដែលជាទំហំមធ្យមដូច្នេះ HP Chromebook 14" មានតង់ស៊ីតេអេក្រង់ (កំរិតភាពច្បាស់) ទំហំ 1920×1080 ភីហ្សែល ដែលជាកំរិតច្បាស់ល្អផងដែរ។ ចំណែកថាមពលថ្មរបស់ HP Chromebook 14" វិញអាចប្រើបាន 8 ម៉ោង គឺយូរមែនទែន។ តើប្រិយមិត្តអាចពេញចិត្ត HP Chromebook មួយម៉ូឌែលនេះទេបើវាចាប់ផ្តើមមានវត្តមាននៅកម្ពុជាយើងស្ងាត់ៗម្តង?
____________________________________________________
ប្រភព៖ Androidcentral.com
ដោយ៖ សុទ្ធា
Posted in: News Technologies
0 comments:
Post a Comment