22:49
Unknown
ឆ្នាំ២០១៤នេះ ត្រូវបានគេចាត់ទុកថាជាឆ្នាំដ៏អាក្រក់ក្នុងវិស័យអាកាសចរក្នុងតំបន់អាស៊ីអាគ្នេយ៍ ដោយសារមានគ្រោះថ្នាក់យន្តហោះធំៗបានកើតឡើងបន្តបន្ទាប់គ្នា ដែលរួមមានទាំងការបាញ់ធ្លាក់ជើងហោះហើរ MH17 និងការបាត់ខ្លួន MH370 របស់ Malaysia Airlines ជាដើម។
បើនិយាយតែពីឥណ្ឌូណេស៊ីវិញ ត្រឹមរយៈពេល២០ឆ្នាំចុងក្រោយ មនុស្ស៥៣២នាក់បានស្លាប់ដោយសារគ្រោះថ្នាក់យន្តហោះ។ បើនិយាយពីរយៈពេល៣ឆ្នាំចុងក្រោយវិញ មានករណីគ្រោះថ្នាក់យន្តហោះមួយជារៀងរាល់ឆ្នាំ គិតទាំងការបាត់ខ្លួនយន្តហោះរបស់ AirAsia កាលពីថ្ងៃអាទិត្យម្សិលមិញ ដែលមានមនុស្ស១៦២នាក់លើនោះផងដែរ។
យន្តហោះរបស់ក្រុម Air Asia ដែលបាត់ខ្លួនថ្ងៃអាទិត្យម្សិលមិញ
ខាងក្រោមនេះជាករណីគ្រោះថ្នាក់យន្តហោះធំៗមួយចំនួននៅឥណ្ឌូណេស៊ី៖
ខែមេសា ឆ្នាំ២០១៣៖ ធ្លាក់យន្តហោះ Boeing 737-800 របស់ក្រុមហ៊ុន Lion Air មានអ្នកដំណើរ១០៨នាក់ គ្មានអ្នកស្លាប់ តែរបួសជាង២០នាក់
ខែឧសភា ឆ្នាំ២០១២៖ ធ្លាក់យន្តហោះ Sukhoi Superjet-100 ស្លាប់មនុស្ស៤៥នាក់
ខែកញ្ញា ឆ្នាំ២០០៥៖ ធ្លាក់យន្តហោះ Mandala Airlines Flight 091 ស្លាប់មនុស្ស១៤៩នាក់
ខែធ្នូ ឆ្នាំ១៩៩៧៖ ធ្លាក់យន្តហោះ SilkAir Flight 185 ស្លាប់មនុស្ស១០៤នាក់
ខែកញ្ញា ឆ្នាំ១៩៩៧ ធ្លាក់យន្តហោះ Garuda Indonesia Flight 152 ស្លាប់មនុស្ស២៣៤នាក់
ខាងលើនេះ គ្រាន់តែជាការដកស្រង់ខ្លះៗនៃគេហទំព័រ Daily Mail របស់អង់គ្លេសប៉ុណ្ណោះ នៅមានករណីគ្រោះថ្នាក់ផ្សេងទៀត ដែលបានកើតឡើងនៅក្នុងប្រទេសឥណ្ឌូណេស៊ី។
ដោយ៖ សុខ សុវត្ថិ
ប្រភព៖ dailymail
Posted in: ជីវិតរស់នៅ និងសុខភាព
0 comments:
Post a Comment