21:14
Unknown
ការផលិតកម្មវិធីកុំព្យូទ័រ ឬទូរសព្ទគឺជាការងារដ៏លំបាកមួយ។ ដូច្នេះហើយមនុស្សមួយចំនួនប្រហែលជាគិតថា អ្នកដែលអាចធ្វើការងារនេះបានគឺភាគច្រើនជាបុរស ដែលពាក់វ៉ែនតា និងមានមាឌធំៗហើយមើលទៅ។ ប៉ុន្តែវាមិនមែនទាំងអស់នោះទេ។ ការងារទាំងនេះស្ត្រីក៏អាចធ្វើបានដូចគ្នាដែរ។ ដូចរូបភាពខាងក្រោម ពួកគេមិនត្រឹមតែមានរូបសម្ផស្សស្រស់ស្អាតនោះទេ ថែមទាំងមានសមត្ថភាពខ្ពស់ ធ្វើការក្នុងក្រុមហ៊ុនបច្ចេកវិទ្យាល្បីៗថែមទៀតផង។
១. អ្នកនាង Himani Amoli0
១. អ្នកនាង Himani Amoli0
អ្នកនាង Himani Amoli គឺអ្នកបង្កើតកម្មវិធីមួយសម្រាប់អាពាហ៍ពិពាហ៍ ( Wedding Party ) ដើម្បីជួយអោយគូស្នេហ៍រៀបចំរូបថតនៃថ្ងៃអាពាហ៍ពិពាហ៍ និង ភ្ញៀវរបស់ពួកគេ។ បន្ថែមទៅទៀតនោះ នាងក៏បានបង្កើតកម្មវិធី Smartphone ផ្សេងទៀតរួមមាន Mobilecious និង TwizzleTales។
២. អ្នកនាង Samantha John
នារីសិចស៊ីមានទេពកោសល្យម្នាក់ទៀតនោះ គឺនាង Samantha John។ នាងគឺជាសហស្ថាបនិក និងជាប្រធានផ្នែកបច្ចេកវិទ្យារបស់ក្រុមហ៊ុន Hopscotc ដែលជាក្រុមហ៊ុនបង្កើតហ្គេមកម្សាន្តល្បីល្បាញមួយសម្រាប់កុមារ។ មុនពេលដែលធ្វើការនៅ Hopscotch នាងក៏ធ្លាប់បានធ្វើការនៅក្រុមហ៊ុនផលិតកម្មវិធីឈ្មោះថា Pivotal Labs ដែរ។
៣. អ្នកនាង Tracy Chou
អ្នកនាង Tracy Chou ជានារីម្នាក់ដែលមានមុខស្រស់ស្អាត។ នាងគឺជាវិស្វករស្រីដ៏ល្បីបំផុតរបស់ក្រុមហ៊ុន Pinterest ដែលមានតួនាទីជាអ្នកបង្កើតគម្រោង ផលិតកម្មវិធី , platform និង រចនាសម្ព័ន្ធផ្សេងៗ។ មិនត្រឹមតែប៉ុណ្ណោះ នាងក៏ជាអ្នកគាំទ្រខ្លាំងបំផុតទៅវិស័យបច្ចេកវិទ្យា ដោយនាងធ្លាប់បានបង្កើតគេហទំព័រមួយអំពាវនាវអោយក្រុមហ៊ុនបច្ចេកវិទ្យានានាបង្ហាញពីចំនួនបុគ្គលិកភេទស្រីរបស់ខ្លួនជាសាធារណៈ។
៤. អ្នកនាង Sara Haider
Sara Haider គឺជាវិស្វករបង្កើតកម្មវិធី Android ល្បីល្បាញម្នាក់។ នាងធ្លាប់បានបង្កើតកម្មវិធី Secret ហើយកាលពីមុននាងធ្លាប់បានធ្វើការអោយក្រុមហ៊ុនល្បីជាច្រើនដូចជា Google , Vine និង Twitter ជាដើម។
៥. អ្នកនាង Jade Raymond
មិនត្រឹមតែមានសម្ផស្សស្រស់ស្អាត និងសិចស៊ីទេ នាង Jade Raymond ថែមទាំងមានសមត្ថភាពខ្ពស់ថែមទៀតផង។ Jade Raymond បានបង្កើតគេហទំព័រផ្ទាល់ខ្លួនមួយគឺ jade-raymond.com ហើយនាងធ្លាប់ជាអ្នកផលិតហ្គេមអនឡាញ “The Sims Online” និង “Assassin’s Creed” ។ បច្ចុប្បន្ននាងគឺជាអ្នកគ្រប់គ្រងទូទៅរបស់ក្រុមហ៊ុនផលិតវីដេអូហ្គេម Ubisoft៕
Posted in: Business news
0 comments:
Post a Comment