23:04
Unknown
កន្លងទៅនេះ ប្រិយមិត្ត Sabay ធ្លាប់ទទួលបានចំណេះដឹងយ៉ាងច្រើន ក្នុងការបង្ហាញគន្លឹះខ្លីៗ ជុំវិញការប្រើប្រាស់គ្រឿងបច្ចេកវិទ្យា។ ឥឡូវនេះ Sabay មានគន្លឹះខ្លីថ្មីមួយទៀត សម្រាប់បង្ហាញដល់ប្រិយមិត្ត និងមិត្តអ្នកអានគឺវិធីក្នុងការចែក Drive លើកុំព្យូទ័រ ដោយមិនចាំបាច់ដំឡើង Windows ជាថ្មី។
ជាទូទៅ ប្រិយមិត្តចូលចិត្តចែក Drive ជាពីរគឺ Drive (C:) និងDrive (D:) ដោយ Drive (C:) សម្រាប់ដាក់ប្រព័ន្ធប្រតិបត្តិការ និងកម្មវិធីប្រើប្រាស់មួយចំនួន។ ចំណែក Drive (D:) ភាគច្រើនសម្រាប់បញ្ចូលឯកសារ, រូបភាព និងវិដេអូ ចម្រៀងជាដើម។ ចុះបើចង់បង្កើត Drive ថ្មីមួយទៀត ដើម្បីទុកប្រើប្រាស់ តើត្រូវធ្វើដូចម្ដេចទៅ?
ខាងក្រោមនេះជាវិធីងាយៗដើម្បីបង្កើត Drive ថ្មីនៅលើ HDD ដោយមិនចាំបាច់ដំឡើង Windows ជាថ្មី។ តោះ! ទៅសិក្សាស្វែងយល់ទាំងអស់គ្នា។
១.ដំបូងប្រិយមិត្តបើក Disk Management (Windows Key + R) ដោយវាយបញ្ចូលពាក្យគន្លឹះ diskmgmt.msc ចូលក្នុងប្រអប់ command prompt។
២.នៅ លើផ្ទាំងរបស់ Disk Management សូម right-click លើ Drive ដែល Space នៅទំនេរច្រើន បន្ទាប់មកចុចលើពាក្យShrink Volume ដើម្បីរំលែក Space Drive ដែលនៅសល់ឲ្យទៅជា unallocated Drive មួយ។
៣. ចូរកំណត់តម្លៃជាក់លាក់មួយសម្រាប់ជា unallocated Space។
៤. ចុច right-Click មួយលើ unallocated Drive ។ ជ្រើសរើសយកពាក្យ New Simple Volume ដើម្បីកំណត់ space និង ឈ្មោះរបស់ Drive ។
៥. ជាចុងក្រោយចុច right-click លើ Drive ដែលទើបបង្កើតថ្មីនោះ រួចជ្រើសរើសយកពាក្យ Format ។ ដូចនេះប្រិយមិត្តអាចប្រើប្រាស់ Drive ថ្មីនោះបានហើយ។
អត្ថបទ៖ ដារ៉ាឆា/http://news.sabay.com.kh/article/160364
Posted in: computer-techniques
0 comments:
Post a Comment