06:22
Unknown
ចរាចរណ៍ប្រាក់ដុល្លារអាមេរិកបានងើបឡើងស្រឺតៗ នៅរយៈពេលប៉ុន្មានថ្ងៃចុងក្រោយនេះបើប្រៀបធៀបនឹងប្រាក់អឺរូ ដោយសារតែតម្លៃប្រេងសាំង លើទីផ្សារពិភពលោកធ្លាក់ចុះ យ៉ាងគំហុក ដែលជាហេតុធ្វើឲ្យក្រុមហ៊ុនផលិតប្រេងនៅពិភពអារ៉ាប់ផ្ទៀងផ្ទាត់ទំហំនៃការផលិតប្រេងរបស់ខ្លួនឡើងវិញ ។
តាមតារាងវាយតម្លៃលើទីផ្សារភាគហ៊ុនអាមេរិកនៅក្រុងញូវយ៉ក បង្ហាញថាប្រាក់ដុល្លារអាមេរិកមានសន្ទុះល្អជាងប្រាក់អឺរូ គឺ១អឺរូ ពីមុនស្មើនឹង ១,១៩៣៣ដុល្លារអាមេរិក ហើយពេលនេះគឺ ១អឺរូស្មើ១,១៨៩២ ដុល្លារអាមេរិក ដែលមានន័យថាប្រាក់អឺរូធ្លាក់ចុះបន្តិច ។ តាមការវាយតម្លៃរបស់ Joe Manimbo of Western Union Business Solutions នៃអឺរុបគឺការស្ទុះឡើងនៃតម្លៃប្រាក់ដុល្លារអាមេរិក គឺមិនត្រឹមតែបន្ថោកដល់ប្រាក់អឺរូនោះទេ គឺវាប៉ះពាល់ដល់ការធ្វើចរាចរណ៍រូបិយប័ណ្ណប្រទេសមួយចំនួន ជាពិសេសចរាចរណ៍រូបិយប័ណ្ណរុស្ស៊ី រ៉ូបឹល(Ruble) ប្រាក់យ័នចិន(Yuan) និងប្រាក់យេនជប៉ុន(Yen) ។
តាមការវាយតម្លៃរបស់ Joe Manimbo of Western Union Business Solutions ការឡើងថ្លៃនៃប្រាក់ដុល្លារអាមេរិកនៅពេលនេះ គឺកើតចេញពីតម្លៃប្រេងសាំងលើទីផ្សារពិភពលោក ដែលធ្លាក់ចុះបន្តទៀត កាលពីថ្ងៃចន្ទ ទី៥ ខែមករា គឺវាចុះមកដល់ ៤៧,៩៣ ក្នុងមួយបារ៉ែល ។
ទីផ្សារប្រេងសាំងពិភពលោកបានចុះថ្លៃចាប់តាំងពីខែតុលាឆ្នាំ ២០១៤ ។ ប៉ុន្តែមូលហេតុដែលនាំឲ្យប្រេងសាំងចុះថ្លៃយ៉ាងគំហុកនេះ ត្រូវបានក្រុមហ៊ុនប្រេងសាំងមួយចំនួននៅលើ ពិភពលោកទទួលស្គាល់ថា មកពីការប្រែប្រួលនយោបាយសេដ្ឋកិច្ចរបស់អាមេរិក ហើយជាពិសេសគឺអាមេរិកចាប់ផ្ដើមបញ្ចេញប្រេងឆៅដែលបានស្តុកទុកតាំងពីឆ្នាំ២០០៩ ហើយ ម្យ៉ាងទៀតអាមេរិក ចាប់ផ្ដើមផលិតប្រេងរបស់ខ្លួន ដែលទើបរុករកឃើញថ្មីៗនេះ ។
ទោះជាបែបនេះក្ដី ក្រុមហ៊ុនផលិតប្រេង OPEC ពិភពលោកប្រកាសថា នឹងមិនថយទំហំការផលិតរបស់ខ្លួនឡើយ តែប្រទេសពិភពអារ៉ាប់មួយចំនួន ជាពិសេសប្រទេសអារ៉ាប់បីសាវអូឌិត និងធ្វើការផ្ទៀងផ្ទាត់ទំហំនៃការផលិតប្រេងរបស់ខ្លួនឡើងវិញ ៕
សូមសរសេរមកលោក នួន បូរិន តាមរយៈ narinnun@vodhotnews.com
Posted in: Economies
0 comments:
Post a Comment