01:19
Unknown
20 Dec, 2014 11:58
បច្ចុប្បន្នការបញ្ជាដោយសំឡេង (Voice Command)គឺកំពុង ដាក់អោយប្រើប្រាស់នៅលើ Smartphone និង Smartwatch ពពួក Android។ សម្រាប់មុខងារនេះក៏នឹងដាក់អោយប្រើ នៅលើ Chromebook របស់ Google ក្នុងពេលឆាប់ៗនេះដែរ។
អ្នកប្រើប្រាស់ Chromebook អាចប្រើពាក្យ ”OK Google ” ដើម្បីដំណើរការ Voice Command សម្រាប់បញ្ជាមុខងារផ្សេងៗនៅលើChromebook ដូចជា ឆែកអ៊ីនធឺណិត ស្វែងរកទីតាំងលើ Google Map ពិនិត្យមើលសីតុណ្ហភាព និង មុខងារជាច្រើនទៀត។ មុខងារ Voice Command ថ្មីនឹងដំណើរការគ្រប់ពេលដរាបណា Chromebook នៅបើក។
មុខងារថ្មីត្រូវបានបុគ្គលិករបស់ក្រុមហ៊ុន Google លោក François Beaufort ណែនាំដំបូងនៅលើ Google+។ ការ Update ថ្មីនេះគឺអាចដំណើរការតែលើ Chrome OS Dev តែប៉ុណ្ណោះដោយតម្រូវអោយអ្នកប្រើប្រាស់ Enable Flag នៅក្នុង Setting របស់ Chrome OS ដើម្បីដំណើរការវា។ គេមិនច្បាស់ពីកាលបរិច្ឆេទដាក់ឲ្យប្រើប្រាស់ទូលំទូលាយដល់គ្រប់ Chromebook របស់ Google នៅពេលណាទេ តែប្រហែលអាចឆាប់ៗខាងមុខផងក៏មិនដឹង៕
ប្រែសម្រួល៖ សំនៀង
ប្រភព៖ theverge
ប្រភព៖ theverge
Posted in: Business news
0 comments:
Post a Comment