00:37
Unknown
ប្រព័ន្ធអ៊ីនធឺណិតបានផ្ដល់ភាពងាយស្រួលយ៉ាងច្រើនទៅអ្នកប្រើប្រាស់នាពេលបច្ចុប្បន្ន ទាំងការធ្វើអាជីវកម្ម ការកម្សាន្ត សិក្សាស្រាវជ្រាវ ជំនួញ និងទំនាក់ទំនងផ្សេងៗទៀត។ ក្នុងនោះដែរនៅតំបន់អាស៊ានយើងមានមានក្រុមហ៊ុន អ៊ីនធឺណិតធំៗជាងគេចំនួន៨ ក្នុងចំណោមក្រុមហ៊ុនធំទាំងនោះមាន ៥ ក្រុមហ៊ុនស្ថិតក្នុងប្រទេសម៉ាឡេស៊ី។ ចុះចំណែកក្រុមហ៊ុន ៣ ទៀតនៅក្នុងប្រទេសណា? តោះ! កុំចាំយូរទៅមើលទាំងអស់គ្នា។
៨. Rev Asia Berhad
Rev Asia Berhad គឺជាក្រុមហ៊ុនបម្រើសេវាកម្ម អ៊ីនធឺណិតមួយដែលមានទីតាំងក្នុងទីក្រុងកូឡាឡាំពួរប្រទេសម៉ាឡេស៊ី។ ក្រៅពីនេះក្រុមហ៊ុន មួយនេះក៏ជាក្រុមហ៊ុននាំមុខគេមួយដែរខាងប្រព័ន្ធផ្សព្វផ្សាយ និង ដំណោះស្រាយផ្នែកទីផ្សារនៅលើប្រព័ន្ធអ៊ីនធឺណិត ។ ទ្រព្យសម្បត្តិរបស់ក្រុមហ៊ុនមាន ៤០ លានដុល្លារអាមេរិក ។
៧. Asiatravel.com Holdings Ltd
ក្រុមហ៊ុន Asiatravel.com Holding Ltd គឺជាក្រុមហ៊ុនផ្ដល់សេវាកម្មកក់សណ្ឋាគារតាមប្រព័ន្ធអ៊ីនធឺណិត និងជាភ្នាក់ងារបម្រើសេវាកម្មដំណើរទេសចរណ៍ដ៏ធំមួយក្នុងអាស៊ី។ Asiatravel មានទីតាំងនៅក្នុងប្រទេសសិង្ហបុរី និង មានទ្រព្យសម្បត្តិប្រហែល ៦៤ លានដុល្លារអាមេរិក ។
៦. MigMe Ltd
MigMe Ltd គឺជាក្រុមហ៊ុននាំមុខមួយក្នុងការផ្ដល់សេវាកម្មចែកចាយបណ្តាញសង្គម នៅលើអ៊ីនធឺណិត។ ក្រៅពីបម្រើសេវាកម្ម អ៊ីនធឺណិត ក្រុមហ៊ុន Migme Ltd បានបម្រើសេវាកម្មកម្សាន្តផ្សេងទៀតដូចជា Online Chat និង សេវាកម្មលេងហ្គេមតាមប្រព័ន្ធអនឡាញ។ MigMe Ltdមានទីតាំងក្នុងប្រទេសសិង្ហបុរី និង មានទ្រព្យសម្បត្តិប្រហែល ៧៦ លានដុល្លារអាមេរិក។
៥. iBuy Group Ltd
iBuy Group Ltd គឺជាក្រុមហ៊ុនពាណិជ្ជកម្មអេឡិចត្រូនិកនាំមុខគេមួយក្នុងពាណិជ្ជកម្មលក់ដូរទំនិញឡាយឡុង នៅលើបណ្ដាញអ៊ីនធឺណិតនៅអាស៊ីអាគ្នេយ៍។ iBuy មានការិយាល័យកណ្ដាលក្នុងប្រទេសសិង្ហបុរី និង មានទ្រព្យសម្បត្តិស្មើជាទឹកប្រាក់ ១៣៤ លានដុល្លារអាមេរិក។
៤. iCar Asia Ltd
iCar Asia Ltd គឺជាក្រុមហ៊ុនបម្រើសេវាកម្ម អ៊ីនធឺណិត ដែលមានទីតាំងក្នុងទីក្រុងកូឡាឡាំពួរប្រទេសម៉ាឡេស៊ី ដែលមានទ្រព្យសម្បត្តិផ្ទាល់ខ្លួន ២៥៨ លានដុល្លារអាមេរិក។ ក្រុមហ៊ុនមួយនេះក៏ជាក្រុមហ៊ុនលំដាប់ថ្នាក់លេខមួយនៅក្នុងអាស៊ានទៅលើប្រការផ្សព្វផ្សាយពីព័ត៌មានរថយន្តទៅដល់អតិថិជនរបស់ខ្លួន។
៣. Jobstreet Corp Berhad
Jobstreet Corporation Berhad គឺជាក្រុមហ៊ុនវិនិយោគនៅលើបណ្ដាញអ៊ីនធឺណិតមួយដែលមានទីតាំងទីក្រុងកូឡាឡាំពួរប្រទេសម៉ាឡេស៊ី។ ក្រៅពីនេះ Jobstreet Corp Berhad ក៏ផ្ដល់សេវាកម្មទាក់ទងនឹងការស្រាវជ្រាវនិងការអភិវឌ្ឍន៍ ផ្គត់ផ្គង់ផ្នែកបច្ចេកទេស គ្រប់គ្រងទូទៅនិងផ្គត់ផ្គង់ផ្នែកធនធានមនុស្ស សេវាផ្សព្វផ្សាយនិងប្រឹក្សាផ្សេងៗទៀតតាមរយៈបណ្ដាញអ៊ីនធឺណិតទូទាំងតំបន់អាស៊ាន។ ទ្រព្យសម្បត្តិក្រុមហ៊ុនមាន ៤៨៣ លានដុល្លារអាមេរិក ។
២. MYEG Services Berhad
MyEG Services Berhad គឺជាក្រុមហ៊ុនអ៊ីនធឺណិតមួយដែលទទួលសិទ្ធិកាន់កាប់ផ្នែកសេវាកម្មអេឡិចត្រូនិករបស់រដ្ឋាភិបាលម៉ាឡេស៊ីដ៏សំខាន់ដើម្បីធ្វើការទំនាក់ទំនង រវាងរដ្ឋាភិបាលនិងប្រជាពលរដ្ឋតាមរយៈសេវាអេឡិចត្រូនិក។ MYEG Services Berhad មានទីតាំងនៅក្នុងប្រទេសម៉ាឡេស៊ី និង មានទ្រព្យសម្បត្តិប្រហែលជាទឹកប្រាក់ ៤៨៣ លានដុល្លារអាមេរិក ។
១. iProperty Group Ltd
ក្រៅពីបម្រើសេវាកម្មអ៊ីនធឺណិត iProperty Group Ltd ក៏ជាក្រុមហ៊ុននាំមុខគេមួយដែលផ្ដល់ព័ត៌មានទៅដល់អតិថិជន និងអ្នកធ្វើជំនួញទាក់ទងនឹងការលក់ ទិញ និង ជួលទ្រព្យសម្បត្តិផ្សេងៗនៅលើនៅលើបណ្ដាញអ៊ីនធឺណិតទូទាំងតំបន់អាស៊ី។ ក្រុមហ៊ុននេះមានទីតាំងក្នុងទីក្រុងកូឡាឡាំពួរ ប្រទេសម៉ាឡេស៊ី និង មានទ្រព្យសម្បត្តិផ្ទាល់របស់ក្រុមប្រមាណ ៥៣៤ លានដុល្លារអាមេរិក៕
ប្រែសម្រួល៖ សំនៀង
ប្រភព៖ businessinsider
ប្រភព៖ businessinsider
Posted in: News Technologies
0 comments:
Post a Comment