01:59
Unknown
AutoPlay គឺជាមុខងារដែលត្រូវបានកំណត់នៅក្នុងម៉ាស៊ីនកុំព្យូទ័រដើម្បីបញ្ជា ឱ្យមានដំណើរការជាស្វ័យប្រវត្តិរាល់ព្រឹត្តិការណ៍ណាមួយដូចជា ដំណើរការកម្មវិធីដំឡើង និងឯកសារតន្ត្រីជាដើម ។ ដំណើរការ AutoPlay នឹងចាប់ផ្ដើមមួយរំពេចនៅពេលដែលដោត USB flash ឬបញ្ចូលឌីសទៅក្នុងម៉ាស៊ីនកុំព្យូទ័រ ។
យ៉ាងណាមិញ មុខងារនេះពេលខ្លះក៏អាចបង្កឱ្យមានបញ្ហាផងដែរពីព្រោះឯកសារមេរោគ មួយចំនួនអាចធ្វើការចម្លងរាតត្បាតដោយស្វ័យប្រវត្តិនៅពេលដែល លោកអ្នកភ្ជាប់ផ្នែករឹងទាំងនោះជាមួយកុំព្យូទ័រ ។ ដូច្នេះ ដើម្បីបញ្ជៀសការវាយប្រហារពីសំណាក់មេរោគ លោកអ្នកគួរចូលទៅបិទមុខងាររបស់ AutoPlay តាមរបៀបដូចខាងក្រោម ៖
១. សូមចូលទៅក្នុងផ្ទាំង Local Group Policy Editor ដោយវាយ Windows + R នៅលើក្តារចុច ហើយវាយ gpedit.msc បន្ទាប់សូមចុចប៊ូតុង OK ។
២. សូមចូលទៅកាន់ទីតាំង Computer Configuration > Administrative Templates > Windows Components ។
៣. នៅផ្នែកខាងស្ដាំនៃផ្ទាំង Windows Components សូមចូលទៅក្នុងថត Autoplay Policies ។
៤. សូមចុចពីរដងទៅលើ Turn off Autoplay រួចជ្រើសរើសយក Enabled និងយក All drives ហើយចុចប៊ូតុង OK ជាការស្រេច ។
វីធីម្យ៉ាងទៀត លោកអ្នកចុចពីរដងទៅលើ Default Behavior for AutoRun រួចជ្រើសរើសយក Enabled និងយក Do not execute any autorun commands ក៏បានដែរ ៕
Posted in: computer-techniques
0 comments:
Post a Comment