02:34
Unknown
យន្តហោះប្រភេទ QZ 8501 របស់ក្រុមហ៊ុន AirAsia ដែលបានបាត់ការទាក់ទងតាំងពីព្រឹកមិញនោះត្រូវបានគេដឹងថាបានសុំបង្វែរទិសដៅហោះហើរដោយសារជួបនឹងអាកាសធាតុមិនល្អក្រោយមកបាន៥នាទីក៏ត្រូវបាត់ការទាក់ទងតែម្ដងទៅ។
ចំណែកចំណុចដែលបាត់ការទាក់ទងនេះត្រូវបានក្រុមហ៊ុន AirAsia សង្ស័យថាយន្តហោះនេះធ្លាក់នៅត្រង់ចំណុចកោះ Java និង Kalimantan ប៉ុន្តែមកទល់នឹងពេលនេះក្រុមអ្នករុករកបានទៅដល់កោះនោះហើយ តែមិនបានរកឃើញដានអ្វីនោះទេ។ គិតត្រឹមម៉ោងនេះមានប្រទេស៣ហើយដែលបានបញ្ជូនក្រុមអ្នកស្វែងរកទៅជួយរុករកគឺ ឥណ្ឌូណេស៊ី , សិង្ហបុរី និងម៉ាឡេស៊ី។
ដោយឡែកតួលេខអ្នកមានវត្តមាននៅលើយន្តហោះនោះ អគ្គនាយកដឹកជញ្ជូនផ្លូវអាកាសឥណ្ឌូណេស៊ីលោក Djoko Murjatmodjo បានប្រាប់ថាមានចំនួន១៦២នាក់ដែលក្នុងនោះមានមនុស្សពេញវ័យ១៣៨នាក់ កុមារ១៦នាក់ និងទារកម្នាក់រួមនិងអ្នកបម្រើការលើយន្តហោះចំនួន ៧នាក់ផងដែរ។ ចំពោះអ្នកដំណើរទាំងនោះវិញគឺ រួមមាន ជនជាតិឥណ្ឌូនេស៊ី ១៤៩នាក់ កូរ៉េខាងត្បូង៣នាក់ បារាំងម្នាក់ ម៉ាឡេស៊ីម្នាក់ និងសិង្ហបុរីម្នាក់៕
ប្រែសម្រួល៖ មុន្នី រម្យ
ប្រភព៖ CNN
ប្រភព៖ CNN
Posted in: Khmer news
0 comments:
Post a Comment